Bu gün kişi idman gimnastikası üzrə 31-ci, qadın idman gimnastikası üzrə isə 10-cu ölkə birinciliyinə yekun vurulacaq.
Sumqayit24.az xəbər verir ki, yarış Sumqayıt Olimpiya İdman Kompleksində keçiriləcək.
Birincilikdə "Ocaq Sport" klubu, "Ocaq Sport" klubunun Sumqayıt bölməsi və Bakı Gimnastika Məktəbinin idman gimnastları iştirak edir.
Burada kiçiklər, balacalar, uşaqlar, yeniyetmələr və gənclər yaş kateqoriyalarında ümumilikdə 50-yə yaxın gimnast mübarizə aparacaq.
