O, Sumqayıtın sadə həyətlərindən çıxıb, dünyanın ən güclü zəkalarını mat etdi. Şəhriyar Məmmədyarov sübut etdi ki, əlində sadə bir taxta şahmat olsa belə, dünyanı fəth etmək mümkündür!
1985-ci ildə Sumqayıtda anadan olan Şəhriyarın əsl hekayəsi 1993-cü ildə, cəmi 8 yaşında olanda atasının ona şahmatın ilk sirlərini öyrətməsi ilə start götürdü. Onun döyüşkən xarakteri təsadüfi deyil. 8 yaşlı oğlunu şahmat məktəbinə gətirən atası Həmid müəllim, əslində peşəkar boksçu olub. Hətta Şəhriyara bir müddət boks dərsləri də keçib. Şəhriyar müsahibələrində deyir ki, şahmat lövhəsindəki o "hücumçu" ruhu məhz atasının ona öyrətdiyi boks fəlsəfəsindən, yəni "müdafiə olunma, hücum et!" prinsipindən gəlir. Şəhriyar rəqibini sadəcə mat etmir, sanki "nokauta" salır!
Oyun tərzi dünyada "aqressiv və yaradıcı" kimi tanınan Şəhriyar, heç vaxt heç-heçə üçün oynamır, hər zaman rəqibin üzərinə gedir – eynilə bir Sumqayıt uşağı kimi! Məhz bu inadkarlıq onu şahmatın "Everest" zirvəsinə, yəni 2800 reytinq balına çatdırdı. O, dünya şahmat tarixində bu "kosmik reytinqi" keçən ilk müsəlman idmançı kimi tarixə düşüb
Bundan başqa, o, 20 yaşlılar arasında ikiqat dünya çempionu olan tarixdə yeganə kişi şahmatçıdır. Bu rekord hələ də qırılmayıb!
Onun ailəsi də dünya rekorduna sahibdir. Şəhriyarın iki bacısı - Zeynəb və Türkan da qrosmeysterdir. Dünyada eyni ailədən üç qrosmeysterin çıxması nadir hadisələrdəndir.
Bəs niyə Şəhriyarı hamı Şah adlandırır? Çünki Şahmatda ən vacib fiqur Şahdır və Şəhriyar dünyada ən çox hücumyönümlü və kreativ şahmatçılardan biri hesab olunur. Bəzən gözlənilməz qurbanlar verən sumqayıtlı rəqibini mat vəziyyətinə salır. Onun iti hesablama qabiliyyəti və qələbəyə olan hərisliyi rəqiblərində böyük ehtiram yaradır. Bir növ, taxtada "hökmranlıq" etdiyi üçün bu ad ona çox yaraşır.
Şəhriyar sübut etdi ki, Sumqayıtın küləkli küçələrindən gəlib dünyanın ən zəkalı adamlarını yerində oturtmaq olar!
