Sumqayıt məktəbliləri beynəlxalq robotexnika yarışında yüksək nəticə göstəriblər.
Sumqayit24.az xəbər verir ki, Azərbaycan Respublikasının Gənclər və İdman Nazirliyinin dəstəyi ilə keçirilən World Robot Caspian Cup 2026 (WRCC 2026) beynəlxalq robototexnika yarışı 20 regiondan və 8 xarici ölkədən gəncləri bir araya gətirib.
Yarışın ilk günündə komandalar müxtəlif kateqoriyalar üzrə təsnifat mərhələsində mübarizə apararaq final mərhələsinə vəsiqə qazanmaq uğrunda yarışıblar. WRCC 2026 çərçivəsində robot döyüşləri, robot futbolu, dron yarışları, süni intellekt, xətt izləyən robotlar və digər innovativ mühəndislik layihələri nümayiş etdirilib.
World Robot Caspian Cup 2026-da UnderBot komandasının tərkibində, mentor Aynur Nəcəfovanın rəhbərliyi ilə, Sumqayıt şəhərini təmsil edən 28 nömrəli tam orta məktəbin 8b sinif şagirdi Oqtay Əhədli, 1 nömrəli tam orta məktəbin 8ç sinif şagirdi Əyyub Bədəlzadə və Texniki Fənlər liseyinin 6d sinif şagirdi Rəfail Namazov 1-ci yerə layiq görülüblər.
Qeyd edək ki, gənclərimiz Tailandda keçiriləcək yarışda iştirak hüququ qazanıb.
