Sumqayıtlı ata və oğul dünya çempionatında xüsusi fərqləndilər.
Sumqayit24.az xəbər verir ki, Sərhədçi İdman Olimpiya Mərkəzinin əməkdaşı, baş gizir Orxan Heydərli və oğlu Əbülfəz Heydərli dünya çempionu olub.
Ata-oğul buna 24-26 aprel tarixlərində Türkiyənin İstanbul şəhərində keçirilən dünya çempionatında nail olublar.
O.Heydərli karatenin şotokan növündə keçirilən yarışda +84 kq çəki dərəcəsində qızıl medalın sahibi olaraq 4-cü dəfə dünya çempionu olub.
Ə.Heydərli isə 10-11 yaşlılar arasında keçirilən yarışda -40kq çəki dərəcəsində bütün rəqiblərini məğlub edərək fəxri kürsünün ən yüksək pilləsinə qalxıb.
