Nəriman Mirzəliyev…Uşaq yaşlarından ürəyini doğma şəhərinə, sevdiyi komandaya bağlayan sumqayıtlı bir azarkeş. Artıq 19 ildir ki, "Sumqayıt" FK-nın yanında olan, "kimyaçılar"ın rəsmi fanklubunun üzvü kimi tribunaların səsini, komandanın ruhunu yaşadan sadiq bir ürək.
Hazırda Antalyada yaşamasına baxmayaraq, məsafələr onun üçün heç vaxt maneə olmayıb. "Sumqayıt" FK-nın Antalyada keçirdiyi yoxlama oyunlarında komandasını tək buraxmamaq üçün stadiona gəlib. O, qələbədə də, məğlubiyyətdə də – həmişə komandasının yanındadır.
Qeyd edək ki, Macarıstanın "Pakş" kollektivi ilə keçirilən yoxlama oyununda "Sumqayıt" FK 1:5 hesabı ilə məğlub oldu. Amma bunun yoldaşlıq oyunu olduğunu unutmayaq. Yəni matçın əsas məqsədi hazırlıq və gənclərin sınağıdır.
