Sumqayıtlı boksçu beynəlxalq turnirdə yüksək nəticə əldə edib.
Sumqayit24.az-a daxil olan məlumata görə, "Heydər Əliyev Kuboku-2026" beynəlxalq turnirində təmsilçimiz Şükar Əliyev də iştirak edib.
80 kq çəki dərəcəsində çıxış edən Şükar Əliyev rəqiblərini məğlub edərək qızıl medal qazanıb və çempion adına layiq görülüb. Qeyd edək ki, yerlimizin məşqçisi atası Xəqani Əliyevdir.
Məlumat üçün bildirək ki, Azərbaycan boksçuları "Heydər Əliyev Kuboku 2026" beynəlxalq turnirində 45 medal qazanıblar.
Yarışda 8 ölkənin 185 idmançısı qüvvəsini sınayıb. Altı gün davam edən yarışda oğlanların mübarizəsində 14, qızlarda 9 çəki dərəcəsi üzrə qaliblər müəyyənləşib.
Yarışda komanda hesabında millimiz birinci yeri tutub və Heydər Əliyev Kubokuna sahib olub.
