Sumqayıtlı idmançı Elmir Cəfərovu növbəti mühüm sınaq gözləyir.
Sumqayit24.az xəbər verir ki, iyunun 20-də Qəbələ şəhərində qarışıq döyüş növləri (MMA) üzrə "ASED42" beynəlxalq peşəkar turniri keçiriləcək. Yarışın əsas qarşılaşmalarından birində Sumqayıt təmsilçisi Elmir Cəfərov 62 kiloqram çəki dərəcəsində çempionluq kəmərini müdafiə edəcək.
Həmyerlimizin rəqibi Özbəkistan idmançısı Azizbek Abdullayev olacaq. Döyüş böyük maraqla gözlənilir.
Qeyd edək ki, Elmir Cəfərov 9 noyabr 2025-ci ildə Sumqayıt Olimpiya Kompleksində təşkil olunan "ASED" turnirində rəqibini məğlub edərək çempionluq kəmərinə sahib çıxıb. İndi isə sumqayıtlı döyüşçü titulunu qorumaq üçün yenidən qəfəsə çıxacaq.
