Azərbaycanın cüdo millisinin üzvü Ruslan Paşayevin zədəsi ciddi deyil.
Azərbaycan Cüdo Federasiyasından Report.az-a verilən məlumata görə, 66 kq çəki dərəcəsində çıxış edən sumqayıtlı idmançı məşq zamanı zədələnib. Buna baxmayaraq, onun durumu ağır deyil. Həkimlərin rəyinə əsasən, Ruslan Paşayevin mayda məşqlərə qayıtması gözlənilir.
Qeyd edək ki, Ruslan böyüklər arasında Avropa çempionatını zədəsi səbəbindən buraxacaq. Onun əvəzinə eyni çəkidə mübarizə aparan Turan Bayramov yığmanın heyətinə daxil edilib.
Qitə birinciliyi aprelin 16-dan 19-dək Gürcüstanın paytaxtı Tbilisidə təşkil olunacaq.
