Sumqayıtı təmsil edən cüdoçu yüksək nəticə göstərib.
Sumqayit24.az xəbər verir ki, Abşeron Olimpiya İdman Kompleksində kişilər arasında Liqa yarışının II turu keçirilib. 90 kiloqram çəki dərəcəsində güləşən Zeynalabdin Xudaverdizadə (Sumqayıt Olimpiya İK) gümüş medal qazanıb.
Turnirdə ümumiyyətlə 44 klub və idman cəmiyyətini təmsil edən 214 idmançı 7 çəki dərəcəsində medallar uğrunda mübarizə aparıb.
Qeyd edək ki, bu il kişilər arasında Liqa yarışının 3 turunun keçirilməsi planlaşdırılır. Turların yekununa əsasən idmançıların reytinq siyahısı formalaşacaq.
