Sumqayıtlı gənc döyüşçü qatıldığı beynəlxalq yarışda bütün rəqiblərini məğlub edib.
Sumqayit24.az-ın əldə etdiyi məlumata görə, idmançılarımız Serbiyanın Belqrad şəhərində qarışıq döyüş növləri üzrə "International Mixed Martial Arts Federation" tərəfindən təşkil olunan turnirdə Azərbaycanı layiqincə təmsil ediblər.
Belə ki, Qafqaz Döyüş Akademiyasının tələbəsi Kənan Qulizadə (2010-2011, 44 kq) qızıl medal qazanıb. O, çempionluq yolunda Can Adanir (Avstriya), Maksim Dodzin (İsrail), Məmmədxan Markov (Azərbaycan) və Blu Kennedini (İngiltərə) məğlub edib.
Həmçinin digər həmşəhərlimiz Murad Qarayev (2014-2015, 34 kq) Ben Bitan (İsrail), David Karapetyan (Ermənistan), David Qutniki (Ukrayna) məğlub etsə də, Nazar Sokolovskiyə (Ukrayna) uduzub və bürüncü medala layiq görülüb.
