Sumqayıtlı idmançı dünya arenasında böyük nailiyyətə imza atıb.
Sumqayit24.az-ın əldə etdiyi məlumata görə, 26 yaşlı kikboksçu, muay-tay döyüşçüsü Ruslan Nağıyev Kambocada International Professional Combat Council (İPCC) tərəfindən təşkil olunan titul döyüşündə yerli çempion, kxmer boksu üzrə superulduz sayılan Thoeun Thearanı ilk raundda nokauta salaraq Dünya birinciliyinin kəmərini əldə edib.
Hazırda Ruslan çempion olduğu üçün növbəti titul döyüşü təşkil ediləndə, o, qazandığı kəməri müdafiə etməli olacaq.
Qeyd edək ki, kxmer boksu (Kun Khmer) Kambocanın minilliklərə söykənən ənənəvi döyüş sənətidir. Bu idman növü Cənub-Şərqi Asiyada formalaşmış ən qədim döyüş stillərindən biri hesab olunur və əsasən yumruq, dirsək, diz və ayaq zərbələrinə əsaslanır. Kun Khmer Kambocada milli irs sayılır və burada keçirilən turnirlər yüksək prestijə malikdir, yerli çempionlar isə dünya səviyyəsində ciddi rəqib kimi tanınırlar.
