Sumqayıtlı karateçilər böyük yarışa hazırlaşırlar.
Sumqayit24.az-ın əldə etdiyi məlumata görə, 24-26 aprel tarixlərində Türkiyənin İstanbul şəhərində şotokan karate üzrə dünya çempionatı keçiriləcək. Sumqayıtlı idmançılar bu nüfuzlu turnirdə ölkəmizi müxtəlif yaş və çəki dərəcələrində təmsil edəcəklər.
Yarışda "gənclik şəhəri"ndən Əziz Əhmədli (14-15 yaş, -63 kq), Nuray İbadova (16-17 yaş, +66 kq), Mədinə Cəfərova (16-17 yaş, -53 kq), Fatimə Salahlı (12-13 yaş, -43 kq), Adəm Vahidli (12-13 yaş, +50 kq), Məhəmməd Mailli (12-13 yaş, -50 kq), Elnur Alıyev (böyüklər, -75 kq), Murad Hacızadə (böyüklər, +84 kq) və Ülvi Məmmədov (böyüklər, +84 kq) medallar uğrunda mübarizə aparacaqlar.
Qeyd edək ki, bu çempionat karate üzrə dünya səviyyəli idmançıların iştirak etdiyi mühüm yarışlardan biri hesab olunur.
