Sumqayıtlı qız cüdo üzrə keçirilən yarışda birinci yerə layiq görülüb.
Sumqayit24.az-ın əldə etdiyi məlumata görə, cüdo üzrə U-14 yeniyetmələr arasında Liqa yarışının III turunda yerlimiz Həlimə Yunisli də (-63 kq, Sumqayıt OİK) iştirak edib.
Cüdoçumuz rəqiblərinin hamısını məğlub edərək birinci yerə çıxıb və qızıl medala layiq görülüb.
Məlumat üçün bildirək ki, Abşeron Olimpiya İdman Kompleksində keçirilən turnirin ilk günündə 9 çəkidə 271 cüdoçu mübarizəyə qoşulub.
Qeyd edək ki, bu, cari ildə U-14 Liqa yarışının son turudur. Analoji turnirlər idmançıların reytinq cədvəlinin formalaşmasında önəmli rol oynayacaq.
