Cüdo üzrə U-17 yeniyetmələr arasında Liqa yarışının II turu start götürüb.
Sumqayit24.az xəbər verir ki, Abşeron Olimpiya İdman Kompleksində keçirilən turnirin ilk günündə 6 çəki dərəcəsində 245 cüdoçu mübarizəyə qoşulub.
Sumqayıtlı idmançılar bu yarışda uğurlu çıxış ediblər. Belə ki, 52 kiloqram çəki dərəcəsində güləşən Məleykə Mürsəliyeva (Neftçi Sumqayıt) birinci, Nazlı Səfərli (Sumqayıt şəhəri 2 nömrəli UGİŞM) isə ikinci yeri tutub.
Həmçinin 70 kiloqram çəkidə mübarizə aparan Lalə Səbziyeva (Sumqayıt şəhəri İOEUGİM) və 50 kiloqram çəki dərəcəsində çıxış edən Məhərrəm Bayramlı (Sumqayıt şəhəri 1 nömrəli İOEUGİŞM) bürünc medal qazanıb.
Qeyd edək ki, cari ildə U-17 Liqa yarışının 3 turunun keçirilməsi planlaşdırılır. Bu yarışlar idmançıların reytinq cədvəlinin formalaşmasında önəmli rol oynayacaq.
