Sumqayıt cüdo məktəbinin yetirmələri Böyük Dəbilqə turnirində iştirak edəcəklər.
Sumqayit24.az xəbər verir ki, 28–30 avqust tarixlərində İsveçrənin Lozanna şəhərində keçiriləcək yarış Los-Anceles-2028 Yay Olimpiya Oyunlarına lisenziya xalları verəcək.
Azərbaycan burada 9 çəki dərəcəsində 14 idmançı (10 kişi, 4 qadın) ilə mübarizə aparacaq. Bu siyahıda sumqayıtlı cüdoçular Gültac Məmmədəliyeva (-52 kq), Ruslan Paşayev (-66 kq) və Ömər Rəcəbli (-81 kq) də yer alıblar.
