"Sumqayıt"ın əvəzedicilərdən ibarət komandasının baş məşqçisi Vaqif Cavadov PRO kateqoriyalı məşqçilik kursları çərçivəsində Belçikanın "Vesterlo" klubunda təcrübədə olub.
Sumqayit24.az xəbər verir ki, bu barədə Premyer Liqa təmsilçisinin mətbuat xidməti məlumat yayıb.
Bildirilib ki, səfər zamanı həm əsas komandanın, həm də "Vesterlo" akademiyasının məşqlərini izləyən Cavadov bu əsnada komandanın bir sıra rəsmiləri ilə görüşüb, onlarla bir sıra məsələlərdə fikir mübadiləsi aparıb.
