Sumqayıtlı qız beynəlxalq yarışda yüksək nəticə göstərib.
Sumqayit24.az-ın əldə etdiyi məlumata görə, fevralın 7-də Şimali Kiprdə gimnastika üzrə keçirilən Avropa çempionatında sumqayıtlı İnci Ömərli də iştirak edib.
Yerlimiz yarışda yüksək nəticə göstərərək ikinci yerə layiq görülüb və gümüş medal qazanıb.
Qeyd edək ki, o, Sumqayıt şəhər 14 nömrəli məktəbin 5-ci sinif şagirdidir.
Onu da əlavə edək ki, təmsilçimizin məşqçisi Sumqayıt şəhər 1 nömrəli Uşaq-Gənclər İnkişaf Mərkəzinin Gimnastika dərnəyinin rəhbəri Teymur Adilovdur.
İncini təbrik edir, bundan sonrakı yarışlarda uğurlar arzulayırıq!
