"Sumqayıt" futbol klubu Premyer Liqanın 30-cu turunda səfərdə "Kəpəz"ə 1:2 hesabı ilə məğlub olub.
Sportinfo.az-ın məlumatına görə, klubun mətbuat katibi Zaur Xudiyev hakimlərin fəaliyyəti ilə bağlı etiraz edəcəklərini bildirib:
"Bu vaxta qədər klub olaraq hakimlərin fəaliyyəti ilə bağlı genişmiqyaslı etirazımız olmayıb. Əvvəl də bizə qarşı haqsız qərarlar olub.
Amma Biz buna həmişə "hakim də insandır" aspektindən yanaşmışıq. Amma bu hallar üst-üstə təkrarlananda təbii vəziyyətdən çıxır.
Etiraz etmədikcə, səsimizi çıxarmadıqca, "Sumqayıt"ı əzmək fikri yaranır. Klub olaraq açıq və əsaslı şəkildə etirazımızı bildirəcəyik".
