"Zirə" futbol klubunun məşqçisi "Sumqayıt"la oyunda iştirak edə bilməyəcək.
Sport24.az-ın məlumatına görə, Vüqar Məmməd Azərbaycan Kubokunun 1/4 final mərhələsi çərçivəsində keçiriləcək matçda cəza səbəbindən texniki zonada yer almayacaq.
O, bu cəzanı hələ "Səbail"də işləyərkən alıb. Belə ki, köməkçi məşqçi 2021-ci ildə "Səbail"də çalışdığı dönəmdə "Sumqayıt"la matçda köməkçi hakimi vurduğuna görə 20 matçlıq cəzalandırılıb.
Qeyd edək ki, kubok oyunu 4 fevral saat 17:00-da Mehdi Hüseynzadə adına şəhər stadionunda keçiriləcək.
