Sumqayıtlı şagird Beynəlxalq Fizika Olimpiadası tarixində ilkə imza atıb.
Sumqayit24.az xəbər verir ki, bu barədə Abşeron-Xızı Regional Təhsil İdarəsi məlumat yayıb.
Sumqayıt şəhər Texniki və Təbiət Elmləri Liseyinin XI sinif şagirdi Zeynəb Məhəmmədli Kolumbiyanın Bukaramanqa şəhərində keçirilən 56-cı Beynəlxalq Fizika Olimpiadasında (IPhO 2026) gümüş medal qazanıb.
Bununla da Zeynəb Məhəmmədli Dünya Fizika Olimpiadasında gümüş medal qazanan ilk qız şagird kimi adını tarixə yazdırıb.
Qeyd edək ki, Azərbaycan komandası bu nəticə ilə son 20 ilin ən yüksək göstəricisinə imza atıb.
Zeynəbi təbrik edir, ona gələcəkdə uğurlar arzulayırıq!
