Sumqayıtda stadionlardan birinin uzun müddətdir baxımsız vəziyyətdə qalması narazılıq yaradıb.
Sumqayit24.az-a daxil olan məlumata görə, 27 nömrəli məktəbin yaxınlığında yerləşən stadion hazırda nəzarətsiz və yararsız durumdadır.
Mövcud vəziyyət xüsusilə uşaqları və gəncləri narahat edir.
Valideynlərin sözlərinə görə, məktəblilər dərsdən sonra asudə vaxtlarını səmərəli keçirmək, dostları ilə birgə futbol oynamaq, bir sözlə idmanla məşğul olmaq istəyirlər. Lakin stadionun indiki vəziyyəti buna imkan vermir.
Məktəblilər aidiyyəti qurumlardan əraziyə baxış keçirilməsini və stadionun təmir olunaraq istifadəyə yararlı vəziyyətə gətirilməsini xahiş edirlər.
Qeyd edək ki, məsələ ilə bağlı müvafiq quruma sorğu ünvanlanıb.
