Sumqayıtda “Xroniki ürək çatışmazlığı: müasir müalicə metodları” mövzusunda maarifləndirici seminar keçirilib. Sumqayıt24 bu haqda 10 iyun tarixində şəhər Tibb Mərkəzinə istinadən xəbər verir.
Elmi görüş 1 nömrəli şəhər xəstəxanasının poliklinika şöbəsində təşkil olunub. Burada tibb mərkəzinin direktor müavini İlkin Namazov, təcili təxirəsalınmaz yardım stansiyasının baş həkimi Famil Qaflanov və digər səhiyyə işçiləri iştirak ediblər.
Poliklinika şöbəsinin kardioloqu Xatirə Əliyeva təqdimatla çıxışında xroniki ürək çatışmazlığını yaradan səbəblər haqqında məlumat verib. Xəstəliyin əlamətlərindən, müasir müalicə üsullarından və qəbul edilmiş dünya protokollarından bəhs edilib.
Sonda həkimləri maraqlandıran suallar cavablandırılıb.
