Sumqayıtda qaz istehsal edəcək zavodun inşası planlaşdırılır. Sumqayıt24 bu haqda 9 iyun tarixində İqtisadiyyat Nazirliyinə istinadən xəbər verir.
“Azərbaycan İnvestisiya Şirkəti” ASC və İtaliyanın “Technip Energies Italy S.p.A” şirkəti arasında əməkdaşlıq sazişi imzalanıb. Əməkdaşlıq çərçivəsində termokimyəvi təkrar emal texnologiyası əsasında plastiklə zəngin olan məişət tullantılarından “yaşıl” qazın alınması layihəsi həyata keçiriləcək. Yaradılmış məhsulla “Azərikimya” İB-in xammal bazasının genişləndirilməsi və “yaşıl sertifikat”ın əldə edilməsi planlaşdırılır.
Sumqayıt şəhərində inşa edilməsi nəzərdə tutulan zavodun istehsal gücü ildə 30.000 ton olefin (qaz qarışığı) və 10.000 ton yanacaq qazı təşkil edəcək.
