Sumqayıtda "Uşaqları sevgimizlə qoruyaq!" adlı sərgi keçirilib. Sumqayıt24 bu haqda bu gün, 1 iyun tarixində Regional Mədəniyyət İdarəsinə istinadən xəbər verir.
Xeyriyyə məqsədilə Dövlət Rəsm Qalereyasının təşkil etdiyi sərgi Heydər Əliyev Mərkəzində baş tutub. Evdə Fərdi Təhsil Məktəbinin fiziki imkanları məhdud 15 şagirdinin 70-dən çox əl işi olan rəsmləri nümayiş olunub.
Sərgidə milli məclisin mədəniyyət komitəsinin sədri Qənirə Paşayeva, Sumqayıt regional mədəniyyət idarəsinin rəisi Rəşad Əliyev, gənclər və idman baş idarəsinin rəisi Elgün Hümbətov, reabilitasiya mərkəzinin direktoru Pərvanə Hacıyeva, QAC Sumqayıt şəhər bölməsinin sədri Mətanət Məhərrəmova, KİV nümayəndələri və digər şəxslər iştirak ediblər. Nümayiş olunan bütün əsərlər onlar tərəfindən alınıb.
Qeyd edək ki, gənc rəssamların hər birinə qiymətli hədiyyələr təqdim olunub və nümayiş olunan bütün əsərlər iştirakçılar tərəfindən alınıb.
