Sumqayıt şəhərində motosiklet sürücüsü yol hərəkəti qaydalarını kobud şəkildə pozub.
Məlumata görə, Azərbaycan prospektində qeydə alınan kadrlarda "Tufan S 150" markalı motosikletin sürücüsünün qoşa xəttin tələbini pozaraq dəfələrlə əks istiqamətli hərəkət zolağına çıxdığı və təhlükəli manevrlər etdiyi görünür.
Sülh küçəsində çəkilən görüntülərdə isə sürücünün hərəkətdə olan avtomobillərin arasından zolaqdan-zolağa keçərək manevrlər etdiyi və qəza şəraiti yaratdığı əks olunub.
Motosikletçi Bakı küçəsində də sərt manevrlər edərək qarşısında hərəkət edən nəqliyyat vasitələrini ötüb. Bundan əlavə, onun motosikleti dövlət qeydiyyat nişanı olmadan idarə etdiyi görünür.
İddialara görə, sürücünün müvafiq kateqoriyalı nəqliyyat vasitəsini idarə etmək üçün sürücülük vəsiqəsi də yoxdur.
Mənbə: Avtosfer.аz
