Sumqayıt–Ceyranbatan–Bakı istiqamətində ictimai nəqliyyatın təşkili ilə bağlı narazılıq yaranıb.
Bununla bağlı sosial şəbəkələrdə məlumat paylaşılıb.
Bildirilib ki, bu istiqamətdə 1 manata sərnişindaşıma həyata keçirən "Hyundai" tipli avtobus və mikroavtobuslar aradan qaldırılıb:
"Ultra ağıllı"lar çox "möhtəşəm" iş görüblər: Sumqayıt–Ceyranbatan–Bakı marşrutu üzrə 1 manata işləyən "Hyundai" tipli avtobusları, mikroavtobusları dünəndən yığışdırıblar. Hansı ki, bu istiqamətdə insanları daha çox onlar daşıyırdılar. İndi yüzlərlə biçarə vətəndaş beləcə qalıb küçələrdə.
Qanuni reyslər sərnişin tələbatını qarşılamağa kifayət etmir.
Ceyranbatanda düz 40 dəqiqəyə yaxındır, 06:58-dən 07:37-yə qədər nə 500 gəlir, nə 594, 595 saxlayır.
Ceyranbatanın nəqliyyat probleminin həlli üçün reyslərin artırılması gözlənildiyi halda, avtobusların xəttdən çıxarılması qəbuledilməzdir".
Sumqayit24.az məsələ ilə bağlı AYNA-ya sorğu ünvanlayıb.
Mənbə: Elşad Məmmədli
