Sumqayıtda 15 iyun - Milli Qurtuluş Gününə həsr edilmiş konfrans keçirilib. Bu haqda bu gün, 15 iyun tarixində Sumqayıt24 xəbər verir.
Sumqayıt Dövlət Peşə Təhsil Mərkəzində keçirilən tədbirdə müasir tarixin ən əhəmiyyətli günlərindən biri olan Milli Qurtuluş Günündən danışılıb.
Konfransda mərkəzin direktoru Gülşən Ömərova, mərkəzin tarix müəllimi Akif Kazımov və tələbələri Emil Dirin, Aydan Səfərova Ulu Öndər Heydər Əliyevin 1993-cü ilin iyun ayında hakimiyyətə gəldiyi, respublikamızda mühüm siyasi və iqtisadi islahatların həyata keçirildiyi, neft strategiyasının reallaşdırıldığı, cəbhədə atəşkəsin əldə olunduğu haqda ətraflı müzakirələr aparıblar.
Tədbirin sonunda Milli Qurtuluş Gününə həsr olunan videoçarx nümayiş edilib.
