Yaz aylarında Sumqayıt sakinləri arasında allergik xəstəliklərdən əziyyət çəkənlərin sayı çoxalır.
Sumqayit24.az-a müraciət edən vətəndaşlar bunu yolkənarı parklarda və səkilərdə bitən qovaq ağacları ilə əlaqələndirirlər. Bu ağaclardan tökülən “pambıq” alergiyası olan insanlara pis təsir edir. “Pambıq”lar eyvan və binaların bloklarına dolduğu üçün, ondan evdə də gizlənmək mümkün olmur.
Onlar sözügedən bitkilərin daşınaraq, şəhərdən kənar yerlərdə əkilməsini təklif edirlər.
Həkimlər bildirirlər ki, ağacların buraxdığı tozcuqlar, onların ətri insanlarda allergik renit, allergik kanniktivit kimi xəstəliklər yaradır. Hətta bunun fəsadı bronxial astmaya belə gətirib çıxara bilir. O da qeyd edilir ki, çiçək tozları və kif allergiyasına daha çox böyük şəhərlərdə rast gəlinir ki, bu da havanın çirklənməsinə səbəb olur. Böyük zəhərli qaz kameralarına çevrilmiş və hündür beton binalardan ibarət olan şəhərlərdə qlobal istiləşmə, kifayət qədər yağıntının olmaması səbəbindən tozcuq və kif göbələkləri daha uzun müddət havada qalır və təmas nəticəsində allergik simptomlar daha tez-tez baş verir.
Ekoloq Telman Zeynalov “Yeni Müsavat”ın “Qovaq ağacları təhlükəlidirmi?” sualına cavab verərkən bildirmişdi ki, bu ağacların da zərər verməməsi üçün onlara dərman vurmaq olar:
“Qovaq ağacları da digər canlılar kimi iki cür - erkəyi, dişisi olur. Bu ağacların erkəyini dişi ilə əvəz etmək olar ki, zərərli olmasın".
View this post on Instagram
