Bakı–Pirşağı–Sumqayıt dəmir yolu xətti üzrə hərəkət edən bəzi qatarların yola düşmə vaxtları dəyişdirilib, əlavə reyslər təyin olunub.
Sumqayit24.az xəbər verir ki, dəyişikliklərə əsasən, Sumqayıtdan yola düşən qatarın əvvəlki 06:48 qrafiki 06:43-ə keçirilib.
Sərnişinlərin rahatlığının təmin edilməsi məqsədilə Bakı–Pirşağı–Sumqayıt istiqamətində saat 17:40-da əlavə qatar reysi də təşkil olunub.
Bununla yanaşı, Sumqayıt–Pirşağı–Bakı istiqamətində saat 06:57 və 07:45-də əlavə qatarlar hərəkət edəcək.
Səhər saatlarında hərəkət edən qatarların qrafikində də dəyişiklik var. Belə ki, 07:10-da yola düşən ekspres qatar bundan sonra saat 07:20-də hərəkət edəcək. Hazırda 07:20-də yola düşən qatarın vaxtı isə 07:10-a dəyişdirilib.
Həmçinin saat 08:10-da yola düşən ekspres qatarın hərəkət vaxtı 07:57-yə keçirilib.
