“Sumqayıt Bulvar” MMC fərdi sahibkar Bağırova Nigar Rauf qızı ilə satınalma müqaviləsi bağlayacaq.
Valyuta.az-ın məlumatına görə, MMC sahibkardan gül almağı planlaşdırır. Satınalma müqaviləsinin maliyyə dəyəri 145.550 manat təşkil edir.
Qeyd edək ki, “Sumqayıt Bulvar” MMC ötən il Nigar Bağırovadan 130.700 manatlıq, 2022-ci ildə 35.100 manatlıq, 2021-ci ildə 39.550 manatlıq, 2020-ci ildə isə 47.950 manatlıq gül alıb.
Göründüyü kimi Nigar Bağırova 2020-ci ildən bu yana “Sumqayıt Bulvar” MMC-ni güllə təmin edir. Hansısa səbəbdən ona rəqib tapılmır.
Xatırladaq ki, “Sumqayıt Bulvar” MMC Sumqayıt Şəhər İcra Hakimiyyətinin tabeliyində fəaliyyət göstərir. MMC-nin rəhbəri Seymur Məmmədovdur.
