IV Sumqayıt Kitab Sərgisinin ikinci gününün proqramı açıqlanıb.
Sumqayit24.az xəbər verir ki, saat 11:00-dan etibarən Sumqayıt Dövlət Universitetində (SDU) keçiriləcək tədbir çərçivəsində aşağıdakı proqram nəzərdə tutulur:
- Saat 11:00–12:00 – Professor Boran Əziz “Azərbaycanda istiqlal tarixi: dünəndən bu günə” mövzusunda seminar təqdim edəcək;
- Saat 12:00–13:00 – Yazıçı və publisist Orxan Şahbaz “Biz nə oxuyaq?” mövzusunda seminar keçəcək və oxucularla görüşəcək;
- Saat 13:00–14:00 – VII Kitabqurdu – Sumqayıt məktəblilərinin Oxu Marafonu keçiriləcək;
- Saat 14:00–15:00 – Hüseyn Cəfər və Əziz Yaqubzadə tərəfindən “Səndən ötrü” adlı musiqili qiraət saatı təqdim olunacaq;
- Saat 15:00–16:00 – Tanınmış yazıçı Elxan Elatlı oxucularla görüşəcək;
- Saat 16:00–17:00 – Aysel Rəsulzadənin “Valideyn məktəbi – ana olmaq” adlı kitabının təqdimat mərasimi keçiriləcək;
- Saat 17:00–18:00 – Yazıçı Zahid Xəlilin oxucularla görüşü baş tutacaq.
