Sumqayıt sakini Avtomobil Yolları Dövlət Agentliyinə məxsus məhəccərləri və yolun örtük hissəsindən sökülmüş metalları oğurlayıb. Sumqayıt24 bu haqda 15 iyun tarixində Apa.az-a istinadən xəbər verir.
Hadisə 14 iyun saat 10:00 radələrində, Xızı rayonunun Yeni Yaşma qəsəbəsində qeydə alınıb. A. Alışov adlı şəxs yolların mühafizə zolağında istifadə olunan detalları əldə edərək idarə etdiyi “KamAZ” markalı avtomobilə yükləyib. O, Baş Dövlət Yol Polisi İdarəsinin əməkdaşları tərəfindən saxlanılıb.
Faktla bağlı araşdırma aparılır.
