Son zamanlar Sumqayıtda ictimai nəqliyyatın yenilənməsi istiqamətində bir sıra müsbət addımlar atılıb.
Sumqayit24.az xəbər verir ki, ötən ilin payız aylarından etibarən 5, 7, 30 və 123 nömrəli marşrut xətti üzrə yeni avtobuslar istismara buraxılıb. Bu avtobuslar daha müasir və komfortlu olub. Lakin bəzi sakinlər digər marşrut xətləri üzrə hərəkət edən avtobusların yenilənməsini arzulayırlar. Xüsusilə yaşayış massivlərinə xidmət göstərən avtobusların sayı az, köhnə və az tutumlu olması vətəndaşlara çətinlik yaradır. Nəticədə sərnişinlər sıxlıq və gecikmələrdən şikayət edirlər.
