Bakı–Quba yolunun Sumqayıtdan keçən hissəsində baş vermiş ağır yol-nəqliyyat hadisəsi zamanı xəsarət alan şəxslərin kimlikləri məlum olub.
Report.az-ın məlumatına görə, hadisə zamanı 42 yaşlı Samiq Abdullayevə məxsus, dayanmış vəziyyətdə olan “MAN” markalı, 77-BT-544 dövlət nömrə nişanlı yük avtomobilinə 24 yaşlı Ramazan Həsənovun idarə etdiyi “Mercedes” markalı, 77-TB-495 dövlət nömrə nişanlı minik avtomobili çırpılıb.
Qəza nəticəsində sürücü Ramazan Həsənov qapalı kəllə-beyin travması və baş beynin silkələnməsi xəsarətləri alıb. Yük avtomobilinin sahibi Samiq Abdullayevin döş qəfəsində əzik və sağ ayağında sınıq aşkarlanıb.
“Mercedes”də sərnişin qismində olan 39 yaşlı Ruslan Rzayev isə aldığı ağır xəsarətlər səbəbindən hadisə yerində keçinib.
Faktla bağlı araşdırma aparılır.
