Vətən müharibəsi qazisi Qəhrəman Ağacanovun ailəsi ziyarət edilib. Bu haqda bu gün, 14 aprel tarixində Sumqayıt Regional Mədəniyyət İdarəsi məlumat yayıb.
Məlumata əsasən, qaziyə Əhməd Bakıxanov adına 1 nömrəli uşaq incəsənət məktəbinin kollektivi tərəfindən baş çəkilib. Kollektiv Qəhrəmanın ailəsinə maddi və mənəvi dəstək göstərib.
Qəhrəman Ağacanov 24 oktyabr 2000-ci ildə Sumqayıtda anadan olub. 44 günlük müharibə zamanı həqiqi hərbi xidmətdə olan topçu Qəhrəman Ağacanov Şuşanın Çanaqçı kəndində gedən döyüşlərdə 8 noyabr - Şuşanın azad edildiyi gün yaralanıb.
