Yenicə istifadəyə verilən “Saray körpüsü”nün bəzi hissələrində çökmənin baş verdiyi ilə bağlı məlumatlar yayıb.
Sumqayit24.az məsələ ilə bağlı Azərbaycan Avtomobil Yolları Dövlət Agentliyi (AAYDA) ilə əlaqə saxlayıb. Qurumdan cavab olaraq bildirilib ki, Abşeron rayonunun Saray qəsəbəsini Sumqayıt şəhəri ilə birləşdirən körpüdə hər hansı problem yoxdur:
"Körpü ilə bağlı yayılmış məlumat yalandır, dezinformasiyadır. Körpüdə hər-hansı bir problem yoxdur."
Qeyd edək ki, Prezident İlham Əliyevin Sərəncamına əsasən, Sumqayıt şəhərini Abşeron rayonunun Saray qəsəbəsi ilə birləşdirən Məhəmməd Əsədov küçəsində dəmiryol xətti və Samur–Abşeron kanalı üzərində yerləşən uzunluğu 100 metr, 6 aşırımdan ibarət yeni körpünün tikintisi məqsədilə 9 milyon 960 min manat vəsait 2024-cü il dövlət büdcəsində nəzərdə tutulmuş Azərbaycan Prezidentinin ehtiyat fondundan Azərbaycan Avtomobil Yolları Dövlət Agentliyinə ayrılıb.
