Sumqayıtda sərnişin avtobuslarında soyutma sistemi çalışmır. Bu haqda 14 iyul tarixində Sumqayıt24 AzTV-yə istinadən məlumat verir.
Gün ərzində 10 min sərnişinin daşındığı şəhərin marşrut avtobuslarında kondisionerlər işləmir. Şəhərdə nəqliyyat problemi yalnız bununla bitmir. Əksər avtobusların istismar müddəti bitib və bir sıra marşrutlarda hərəkət intervalı böyük olur. Bu isə avtobuslarda sərnişin sıxlığına səbəb olur.
Avtobuslarda kondisionerlərin işləməməsi ilə bağlı Sumqayıt Nəqliyyat MMC-nin qaraj rəisi Vüsal İbrahimov açıqlama verib:
“Avtobusların texniki vəziyyəti soyutma sistemini işlətməyə imkan vermir. Qarajlarda olan avtobusların əsas problemi mühərriklə əlaqəlidir. Ən başlıca məqsəd mühərrikləri işə salmaqdır. Daha sonra isə soyutma sistemi bərpa olunacaq. Təqribən 15-20 gün ərzində sərnişinlərin daha sıx olduğu xətləri düzəldəcəyik”.
