Bu gün sumqayıtlı şəhidimizin doğum günüdür.
Şulan Bayramov 1996-cı il 28 iyul Sumqayıt şəhərində anadan olub. Şəhərin 33 saylı məktəbində orta təhsil alıb. 2014-cü ildə Azərbaycan Dəniz Balıq Sənayesi Kollecinə daxil olub.
Əsgər Şulan Bayramov 2016-cı ilin aprel ayında Azərbaycan-Ermənistan təmas xəttində baş verən atışma zamanı qəhrəmancasına şəhid olub. Aprelin 7-i isə Sumqayıt şəhərinin Şəhidlər Xiyabanında son mənzilə yola salınıb.
Prezident İlham Əliyevin Sərəncamına əsasən, Şulan Bayramov ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.
