Novxanı bağlar massivində işıq dirəyi aşmaq üzrədir.
Sumqayit24.az-a müraciət edən sakinlərin sözlərinə görə, dirək artıq 3 gündür bu vəziyyətdə qalıb. Fotodan da göründüyü kimi, dirək yola doğru ciddi şəkildə əyilib, elektrik naqilləri isə aşağı sallanıb.
Şikayətçilər bildirirlər ki, piyadalar ərazidən keçməyə qorxurlar, avtomobillər isə dirəyin yanından çətinliklə hərəkət edir.
Onların sözlərinə görə, dirək qəfil aşarsa, yoldan keçən şəxsin və ya avtomobilin üzərinə düşə bilər.
Sakinlər aidiyyəti qurumdan təhlükənin aradan qaldırılmasını xahiş edirlər.
