Sumqayıt şəhərində 22 sentyabr – "Ümumdünya Avtomobilsiz günü" münasibətilə veloyürüş keçirilib.
Sumqayit24.az xəbər verir ki, Abşeron-Xızı Regional Gənclər və İdman İdarəsinin və "Sağlam Düşüncə" Gənclər Təşkilatının təşkil etdiyi tədbirin məqsədi sağlam nəqliyyat vasitəsi olan velosipeddən istifadəni stimullaşdırmaq, yeniyetmə və gənclər arasında velosiped idman növünün kütləviləşdirilməsi, ona marağın artırılması və sağlam həyat tərzinin təbliğidir.
Yürüşdə 100 nəfərdən artıq həvəskar velosipedçi iştirak edib.
