Sumqayıtda şəhid atası dünyasını dəyişib.
Məlumata görə, Azərbaycan Ordusunun şəhid baş leytenantı Zamin Abbasovun atası Xaqani Abbasov oğlunun ildönümü tarixindən bir gün sonra, yəni bu gün (sentyabrın 21-də) vəfat edib.
Qeyd edək ki, şəhid Abbasov Zamin Xaqani oğlu 1993-cü ildə Qubadlı şəhərində anadan olub. 31 avqust 1993-cü ildə Qubadlı rayonunun işğalı nəticəsində məcburi köçkün kimi Sumqayıt şəhərində müvəqqəti məskunlaşıb.
Vətən müharibəsindən sonra o, Azərbaycan Prezidenti, Ali Baş Komandan İlham Əliyevin Sərəncamı ilə Abbasov Zamin Xaqani oğlu "Cəbrayılın azad olunmasına görə", "Qubadlının azad olunmasına görə", "Laçının azad olunmasına görə", "Vətən Müharibəsi iştirakçısı" medalları ilə təttif edilib.
Z.Abbasov həmçinin 2021-2022-ci illərdə qısamüddətli əməliyyatlar zamanı tabeçiliyində olan hərbi qulluqçularla birgə xüsusi şücaətlər göstərib.
2023-cü il sentyabrın 20-də Qarabağda lokal xarakterli hərbi tədbirlərin keçirilməsi zamanı Xocavənd rayonunda düşmən snayperindən açılan atəş nəticəsində aldığı yaradan şəhid olub.
Allah rəhmət eləsin!
Mənbə: olke.az
