Sumqayıt şəhər Təbiət Elmləri Təmayüllü Gimnaziyanın VI "E" sinif şagirdi Zeynəb Mehdizadə beynəlxalq riyaziyyat olimpiadasında böyük uğura imza atıb.
Sumqayit24.az xəbər verir ki, Zeynəb əvvəlcə Azərbaycanda keçirilən SASMO 2026 (Singapore and Asian Schools Math Olympiad) Riyaziyyat Olimpiadasında ən yüksək nəticələrdən birini göstərərək Sinqapur Beynəlxalq Riyaziyyat Olimpiadası Çempionları (SIMOC 2026) müsabiqəsində ödənişsiz iştirak hüququ qazanıb.
17-22 iyul 2026-cı il tarixlərində Sinqapurda keçirilən SIMOC 2026 olimpiadasında dünyanın 40 ölkəsindən 2285 şagird iştirak edib. Sumqayıtlı məktəbli bu nüfuzlu beynəlxalq yarışda da uğurlu çıxış edərək qızıl medala layiq görülüb.
