Sumqayıtlı azyaşlı şəhidimizin doğum günüdür.
Xəlilli Məryam Qoşqar qızı 2014-cü il avqustun 3-də Sumqayıt şəhərində anadan olub. Gəncə şəhər 29 saylı orta məktəbdə təhsil alıb.
Xəlilli Məryam 2020-ci ildə oktyabrın 17-də Ermənistan silahlı qüvvəllərinin beşinci dəfə Gəncəni raket atəşinə tutması nəticəsində anası Qəhrəmanova Xatirə, qardaşı Xəlilli Orxan və yaxın qohumu Qəhrəmanova Ləman ilə birlikdə həlak olublar. Gəncə Şəhidlər Xiyabanında dəfn olunub.
Azərbaycan Respublikası Nazirlər Kabinetinin 1994-cü il 15 yanvar tarixli 10 nömrəli Qərarı ilə təsdiq edilmiş "Şəhid adının əbədiləşdirilməsi və şəhid ailələrinə edilən güzəştlərin tətbiqi qaydaları"nda dəyişiklik edilməsi barədə Azərbaycan Respublikasının Nazirlər Kabinetinin 20 noyabr 2020-ci il tarixli Qərarına əsasən Xəlilli Məryam Qoşqar qızına şəhid statusu verilib.
