Bu gün azərbaycanlılara qarşı törədilən soyqırımdan 106 il keçir.
1918-ci ilin yaz aylarında Azərbaycanın müxtəlif bölgələrində Bakı Soveti qoşunları və daşnak erməni silahlı dəstələri tərəfindən azərbaycanlılara qarşı soyqırım törədilmişdir. Qətliam nəticəsində on minlərlə insan etnik və dini mənsubiyyətinə görə qətlə yetirilmiş, yaşayış məntəqələri, tarixi abidələr, məscid və qəbiristanlıqlar viran edilmişdir.
Mart ayının 31-i Azərbaycan Xalq Cümhuriyyəti tərəfindən ümummilli matəm günü elan olunmuşdur. 1998-ci ildə isə ümummilli lider Heydər Əliyevin imzaladığı “Azərbaycanlıların soyqırımı haqqında” Fərmanında həmin dəhşətli hadisələrə adekvat siyasi qiymət verilib və 31 Mart - Azərbaycanlıların Soyqırımı Günü elan edilmişdir.
