Təxminən 100 min istifadəçinin quraşdırdığı brauzer genişlənməsinin doqquz məşhur süni intellekt xidmətində aparılan sorğu və cavabları istifadəçilərin xəbəri olmadan topladığı bildirilir.
Sumqayit24.az xarici KİV-ə istinadən xəbər verir ki, Google Chrome brauzeri üçün süni intellekt çat-botları ilə işi daha rahat etmək məqsədilə təqdim olunan məşhur brauzer genişlənməsinin gizli məlumatların toplanması ilə əlaqəli olduğu üzə çıxıb. Mütəxəssislərin hesablamalarına görə, bu vəziyyət təxminən 100 min istifadəçini potensial risk altına salıb.
Prompt Optimizer – SecondBrain adlı genişlənmə ChatGPT, Gemini, Claude, Grok, DeepSeek, Perplexity, Copilot, Meta AI və Microsoft 365 Copilot kimi məşhur süni intellekt platformalarında istifadəçilərin göndərdiyi sorğuları və aldıqları cavabları avtomatik şəkildə ələ keçirir.
