Sumqayıtda “Alpinist ləvazimatlarından istifadə etməklə zərərçəkmişlərin xilas edilməsi” mövzusunda gecə təlimi baş tutub. Bu haqda 29 mart tarixində Sumqayıt24 Fövqəladə Hallar Nazirliyinə (FHN) istinadən məlumat verir.
FHN-in Sumqayıt Regional Mərkəzi tərəfindən keçirilən seminar zamanı xilasedicilər xüsusi vasitələrlə şərti zərərçəkmişləri hündürmərtəbəli binadan təxliyə edərək onlara “təxirəsalınmaz ilkin yardım göstəriblər”.
Sonra əldə edilmiş nəticələr təhlil olunub, müvafiq tapşırıqlar verilib.
