"GİLTEX" şirkətinin fəaliyyətində nöqsanlar aşkarlanıb. Sumqayıt24 bu haqda 4 aprel tarixində İqtisadiyyat.az-a istinadən xəbər verir.
Dövlət Gömrük Komitəsi şirkət barəsində İnzibati Xətalar Məcəlləsinin 485.2-ci maddəsi ilə cərimə protokolu tərtib edib. Protokol gömrük qaydaları pozulduğu üçün tərtib olunub və baxılması üçün Sumqayıt Şəhər Məhkəməsinə göndərilib. İş hakim Ramiz Quliyevin sədrliyi ilə araşdırılacaq.
Protokolda deyilir ki, Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər 1000, hüquqi şəxslər 1500 manat məbləğində cərimə edilirlər.
Qeyd edək ki, "GİLTEX" 2012-ci ildən Sumqayıt şəhərində fəaliyyətə başlayan GİLAN TEKSTİL PARKI müəssisəsinin ticarət nişanıdır.
