Sumqayıt sakinləri tərəfindən intensiv istifadə olunan ərazidə narahatlıq doğuran vəziyyət yaranıb.
Sumqayit24.az xəbər verir ki, "Göyərçin" abidəsinin aşağı hissəsində, vətəndaşların tez-tez üz tutduğu parkların birində mütəmadi olaraq nəqliyyat sıxlığı yarandığına görə ərazi keçilməz vəziyyətə düşür.
Bundan əlavə, dar yolun hər iki tərəfi sürücülər tərəfindən parkinq məqsədilə zəbt olunur və sakinlər maşın yolu ilə hərəkət etməli olurlar.
Şikayətçinin sözlərinə görə, avtomobillərdə yüksək səslə səsləndirilən musiqi də ətrafda yaşayanların narahatlığına səbəb olur.
Bir sözlə, intensiv istifadə olunan bu ərazidə adıçəkilən problemlərin müvafiq qurumlar tərəfindən həll edilməsi zəruridir.
