Sumqayıtda itkin düşən 17 yaşlı Tural Əliyevin atası danışıb. Sumqayıt24 bu haqda 27 may tarixində Kriminalqafqaz.az-a istinadən xəbər verir.
Elçin Əliyevin sözlərinə görə, oğlu Tural evlərinin yaxınlığındakı dərzidə işləyirdi və əsgərliyə getməyinə az qalmışdı: "Evdən gedəndə özu ilə geyimlərini və xarici pasportunu götürüb. Əvvəllər də belə edib. Amma mən onu tapıb axşama evə gətirmişəm".
“Ötən gün onu gördüyünü iddia edən bir nəfər zəng edib dedi ki, “20 yanvar” metrostansiyası tərəfdə Turalı görüb. Şəkildə gördüyünə görə tanıyıb. Mən tez özümü çatdırıb həmin şəxslə görüşdüm. Həmin əraziyə baxsam da, onu tapmadım. Bu barədə polisə məlumat da verdik. Hazırda o, polislər tərəfindən axtarılır”, - deyə yeniyetmənin atası bildirib.
Xəbər verdyimiz kimi, Tural 10 may tarixində yaşadığı evdən çıxıb və bu günədək ondan xəbər yoxdur.
