Sumqayıtda, "Kimyaçı" Mədəniyyət Sarayında yanğın həyəcanı siqnalı verilib, binadakı şəxslər "təxliyə olunub".
Sumqayit24.az xəbər verir ki, Fövqəladə Hallar Nazirliyinin Dövlət Yanğından Mühafizə Xidmətinin təşkil etdiyi yanğın-taktiki təlimdə mümkün fövqəladə vəziyyət ssenarisi canlandırılıb.
Ssenariyə əsasən, "Həyəcan" siqnalından dərhal sonra yanğından mühafizə bölmələri hadisə yerinə gələrək şərti yanğının söndürülməsinə başlayıblar. Eyni zamanda, təxliyə planına uyğun əməkdaşlar təhlükəsiz əraziyə çıxarılıb, şərti xəsarət alan şəxslərə ilkin yardım göstərilib.
Təlimin nəzəri hissəsində isə mədəniyyət sarayının kollektivinə yanğın və digər fövqəladə hallar zamanı düzgün davranış qaydaları, təxliyənin təşkili və təhlükəsizlik tədbirləri barədə məlumat verilib.
Təlim uğurla başa çatdıqdan sonra nəticələr müzakirə olunub və gələcək fəaliyyətlə bağlı müvafiq tapşırıqlar verilib.
